Mwenyekiti wa Jimbo la Kati mwa Tanzania Mch Elton Mvanga amekuwa na ziara ya kikazi katika Jimbo la kati mwa Tanzania akianzia kwa mitaa yote iliyopo katika Kanda ya Mufindi,Baadhi ya mitaa hiyo ni Idete,Mgololo,Sawala,Mwitikilwa,Ilasa,Igoda ,na Mingine Mingi.

Lengo la Ziara hii ni Kufamiana lakini pia kukazia vipaumbele vya kazi kwa Mwaka huu wa 2024 ,Vipaumbele hivyo ni pamoja na Mlipuko wa Injili 2025,Ujenzi wa Nyumba za wachungaji,Uboreshwaji Miundo mbinu ya shule yetu ya Waadventista wa Sabato Iringa .

Mwenyekiti pia aliambatana na Mkurugenzi wa Idara ya Uwakili Mch Daniel Mshola ,Mch Mshola katika maeneo yote aliyopita amekuwa akikazia na kuwakumbushwa washiriki kuwa mawakili waaminifu kwa Mungu wao kwa kurudisha zaka na sadaka kamili lakini pia kumfanya Mungu kuwa wa Kwanza katika kila jambo .

Washiriki pia walikumbushwa na kuoneshwa umuhimu wa kuandika wosia wangali hai bado.

Ziara hii ilikuwa ni ziara ya siku takribani 14 ikiwa imeanza Tarehe 19/02/2024 hadi Tar 04/03/2024